الرئيسية / Featured / اربعة اقوان جننت العالم .. بقلم بابكر سلك

اربعة اقوان جننت العالم .. بقلم بابكر سلك

السودان اليوم:

 

* كل الحاصل قبل الفاصل
* انو الاربعة اهداف عملت زوبعة
* الاهداف التي احرزناها في شباك ريفرز ما وجعت ناس ريفرز قدرما وجعت ناس الرفا الازرق
* ناس صفرهم مابوجعهم
* لكن الوجعة كلها في انجاز المريخ
* بخافوا المريخ يعملها تاني
* والاربعة اهداف زاتها كان للعقرب القدح المعلي فيها
* لذا كانت الوجعه اوجع
* وكمان جابت ليها شقلبة قبل القون
* اخواننا الصفراب ديل ضايقين قرصة مانديلا
* عشان كده بخافوا من جرة حبل التأهل لدور قادم
* مابرتاحوا الا المريخ يطير
* في 2015 جميعهم كان يخاف ان يظفر المريخ بالاميرة السمراء
* لكن ولا واحد فيهم كان خاتي احتمال صفر في المية الهلال يجيب شئ
* خرجوا بالهزيمة علي ارضهم من اتحاد الجزائر ولم يحزنوا
* لانو بالهم مافي فريقهم
* بالهم في المريخ ده كان جاب الكاس
* وكانت فرحتهم عارمة عندما خرج المريخ امام مازيمبي بفارق الاهداف وبعد ضغط تحكيمي علي ارضه حيث نقض الحكم هدفا صحيحا لبكري واهدي مازيمبي هدفا من تسلل واضح
* هنا فرحوا فرح شديد
* لانهم ضايقين قرصة مانديلا
* فبقوا يخافوا من جرية بكري وجرة المدافع
* ولكن الحقيقة اننا ندخل في عراك مع اهلي القاهرة وزمالك مصر في المطالبة بالضعفاء في مجموعتنا
* دي ستة نقاط مضمونة عليها نقطة من تعادل ولو علي ارضنا ونضمن التأهل لمرحلة قادمة
* شعارنا ود العم برجع السيرة
* والسيرة مرقت عصر
* ايها الناس
* اليوم نلتقي الرهيب
* نتمناها لوحة في الروعة
* ومواصلة لمشوار تصدرنا للمنافسة برغم سودانية باسكال القاطعه قلوب جماعه كده
* ونتمني بعد فرحتنا العصرية
* تمتد افراحنا للفترة المسائية
* وصدقوني اذا لم يخطئ التحكيم الليل كلو حانضحك
* اها
* يوم كورة ودنوباوي واحد قال لي الجماعه معصوريين
* قلت ليهو الكورة فيها حكم ?
* قال لي طبعا
* قلت ليهو عصرة وبتنتهي
* شدة وتزول
* الهلال مابنعصر طالما في حكم
* لانو الحكم يخطئ ولا يظلم
* وجميع اخطاء الحكام تصب في اتجاه واحد
* الدقيقة تمنين ضرب لي
* قال لي يا استاذ كورة ود نوباوي دي قبل كده شفتها ?
* قلت ليهو ليه ?
* قال لي الحكم اخطأ ورجل الراية اخطأ وتعادل الهلال من تسلل ضحك عليه عمال البناء الساكنين في الاستاد
* اللهم اي زول شايل صفارة يجور علي زول اللهم ادخل صفارته في حلقومه يا رب العالمين
* وتاني ما تطلع
* تظهر في المقطعية بس
* اللهم واي زول شايل راية رفعها غلط او جات تترفع براها وقهمها تحت
* اللهم ادخلها في عينه للعلم
* يجروها وووب
* يخلوها وووب
* يارب العالمين
* ايها الناس
* الطير كيس الديبه شنو ?
* وهل لصديقي النقي دور في الاتجاه المعاكس لطيران كيس الديبه ?
* وماهي حقيقة ما سمعناه عما حدث داخل قاعة الطعام ??
* وهل مزاج روشا ونفسنت فطومة اختي لهما دور في تغبيش بشرة النقي النقية ?
* ان كانت الاجابة بنعم
* اليس عمر من ابناء الهلال الخلص والمؤهلين ?
* طيب شامنوا ليه ?
* ولا عشان زمااان كان شغال مع الارباب سبب العذاب !!!!
* الدكتور عمر النقي رجل متعلم ومهذب وواضح وكان نجم من نجوم اهلي مدني تعب الهلال تعب شديد لكسب توقيعه وبعدها كان نجما هلاليا مقاتلا في وقت كان قتال المهاجم فيه غير معروف للناس
* خلوا العيش لخبازو يا روشا
* فالنقي اقيم وافيد من الجوهرة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* طارت لينا
* ومسخت لينا
* وعلا صوت انينا
* والموية مامعقمة تمرض فينا
* وناس الموية زادوها لينا
* بانت… ستة وخمسين يا والينا ?
* ظنيتها كلونيا موصلنها لينا
سلك كهربا
ننساك كيف والكلب قال ماء الورد ارخس من مويتكم الاغلي من ماء الوجه
والي لقاء
سلك

 


Source link